Edi Rama njihet si një kryeministër me marrëdhënie shumë të mira me Shtetet e Bashkuara të Amerikës. Por si është raporti i tij me SHBA në krahasim me kryeministrat e tjerë? Dashamir Shehi në emisionin HARD TALK NGA ROLAND QAFOKU jo vetëm që është kundër asaj që Rama është më i miri në këtë raport por sipas tij, Sali Berisha është kryeministri që ka pasur raportet më të mira.
-Zoti Shehi, ju jeni politikan i vjetër dhe e njihni shumë mirë raportet me ndërkombëtarët. Si ka mundësi që ndërkombëtarët nuk ju mbështesin ju, por mbështesin mazhorancën?
-Kjo është e pasaktë. Ndërkombëtarët nuk e kanë mbështetur ndonjëherë qeverinë e Ramës, këto ditët e fundit po i dalin haptazi kundër. Zoti Rama për interes të vetes së vet po hyn në sherr me gjithë Europën. Siç hyri në sherr edhe me Amerikën. Nga mendjemadhësia se ky nuk e kupton që ne nuk jemi asgjë për botën, dhe nga interesi i thjeshtë personal, ka për borxh me u zi me gjithë botën. Se ku ngelet Shqipëria ky s’do t’ia dijë fare. Shqipëria pati bërë ca hapa përpara, në qeverinë e Berishës. Hoqi vizat, hyri në NATO. Tani ne po na shtohen vizat.
-Do t’ia “shkulte dhëmbët” Amerika nëse do ishte kështu.
-Kur të vijë puna edhe këtij do t’ia “shkulin dhëmbët”. Miku më i madh i Amerikës është Berisha. Në kohë të Berishës erdhi presidenti i Amerikës këtu. Amerika nuk është as me Berishën, as me Ramën. Amerika është me Amerikën./Fjala.al/Ke.Ba
