Një studim ambicioz gjerman mbi rrezikun e transmetimit të koronavirusit në aktivitete të mëdha sportive dhe kulturore, tërhoqi vëmendjen ndërkombëtare. Organizatorët tani kanë zbuluar rezultatin e këtyre studimeve.
Gjermania gjatë muajit gusht mori përsipër realizimin e një studimi, i cili do të tregonte rrezikun e transmetimit të koronavirusit në evente të mëdha publike.
‘’Restart-19’’ u quajt projekti, sipas të cilit, u mbajtën një sërë koncertesh në Leipzig Arena dhe u përfshinë gati 2,000 vullnetarë që ishin negativ për Covid-19.
Ata duhet të mbanin gjatë koncertit një maskë FFP2, e cila bllokon grimcat për të ndaluar transmetimin e virusit dhe një gjurmues, pajisje që regjistroi lëvizjet e tyre dhe kohën e kontaktit me njëri-tjetrin.
Pjesëmarrësit pas kësaj ndoqën tre skenarë të ndryshëm. Fillimisht ata u ulën afër njëri-tjetrit dhe më pas, mes dy personave, një vend lihej bosh.
Bazuar në rezultatet e studimit, studiuesit dhanë disa rekomandime për të parandaluar përhapjen e virusit, si dhe për mënyrën se si mund të organizohen aktivitetet e ndryshme sportive dhe kulturore.
Ulje e numrit të pjesëmarrësve
Koncertet duhet të organizohen me vende dhe jo në këmbë, pasi përcaktohet qartësisht distanca mes të pranishmëve.
Duhet të shtohen vendet e hyrjes dhe daljes me arsyen që të mos krijohen grumbullime njerëzish.
Mbajtja e maskave dhe nuk është shumë e nevojshme të jenë kirurgjikale, mjaftojnë artizanalet.
Pijet dhe ushqimet të konsumohen në vend, aty ku një person është ulur për të ndjekur aktivitetin.
Sistem i përshtatshëm ventilimi
Një nga studiuesit theksoi se është e kuptueshme që ky kompleksitet masash të ndikojë në mungesën e përvojave elektrizuese. Megjithatë për të një gjë është e qartë: Mungesa e aktiviteteve kulturore dhe sportive nuk është zgjidhje./Re.D/Fjala.al
