“Është një sulm terrorist islamik” dhe “është hera e tretë që qytetarët e Nices goditen. Na sulmojnë për lirinë tonë, por nuk do dorëzohemi”.
Kështu është shprehur presidenti francez, Emmanuel Macron, pasi vizitoi Nicen pas sulmit terrorist në Katedralen e Notre-Dame që iu mori jetën tre personave.
Macron theksoi se besimtarët katolikë kanë mbështetjen e të gjithë Francës, feja duhet të ushtrohet lirshëm, sepse është një vlerë.
“Ju duhet të keni mundësinë të zgjidhni lirshëm besimin tuaj”, tha presidenti francez.
Ai u bëri thirrje qytetarëve që të jenë të bashkuar dhe të vendosur.
“Nesër do të merren masa të reja në Këshillin e Mbrojtjes kundër terrorizmit”, deklaroi më vonë Macron.
Kujtojmë se pak orë pasi të enjtën u vranë 3 persona dhe disa të tjerë u plagosën në Katedralen e Notre-Dame, një sulm i dytë ndodhi në Avignon, në jug të Francës, ku një person sulmoi policinë duke bërtitur ‘Allahu Akhbar”.
Mësohet se Franca ka shtuar numrin e forcave të sigurisë në terren, duke vendosur rreth 7 mijë efektivë./Re.D/Fjala.al
