Kryeministri Edi Rama i është përgjigjur thirrjeve të kreut të opozitës, Lulzim Basha se përse qeveria nuk ndërpret investimet apo koncensionet.
Për Ramën, qeveria s’mund ti ndalojë punët e nisura për arsye se do të shkaktonte një kolaps ekonomik dhe nuk do kishte mundësi të paguante mjekët dhe infermierët.
Ai ka ironizuar me kreun e PD-së, teksa e quajti “miku im Luli që është mësuar t’i gjej gjërat gati”.
“Kush nuk ka punuar kurrë dhe kush është mësuar të flejë gjumë si miku im Luli, dhe ti gjej gjërat gati nga të tjerët kur hap sytë mes dy periudhave të gjumit, nuk e kupton dot që nëse ti ndalon punën, nëse ti ndalon investimet, nëse ndalon aktivitetin që jep po ende dhe prodhon të ardhura dhe çfarë parash ke i shpenzon të gjitha për sot për sot, nesër jo vetëm që vdesin rrugëve njerëzit, se s’ke më me çfarë paguan mjekët dhe infermiere , por familje të tëra të panumërta vdesin nga papunësia totale.
Hiqe këtë, hiq atë dhe ti çojmë të tëra paratë për ato përrallat, me demek zgjidhjes”, thekson Rama./Bl.Ba/Fjala.al
