Tërmeti i fuqishëm që goditi Turqinë mesditën e sotme dëmtoi shumë ndërtesa dhe ka bllokuar shumë persona nën rrënoja.
Grupet e emergjencës turke kanë nisur menjëherë kërkimin e personave nën rrënojat e objekteve të shembura në Izmir. Një video e cila është bërë ‘virale’ në rrjetet sociale tregon momentin kur një vajzë e re nxirret e gjallë nga rrënojat e pallatit të shembur.
Ajo është nxjerrë nga forcat e emergjencave dhe qytetarët, ndërsa duket në një traumë të thellë. Ministri i Shëndetësisë turke ka bërë me dije për mediat se deri më tani janë konfirmuar 4 viktima dhe 120 të plagosur ndërsa po vijojnë kontrollet për të shpëtuar qytetarët që kanë ngecur nën rrënoja./R.G/Fjala.al
