Presidenti Ilir Meta ka përcjellë një mesazh ngushëllimi për kompozitorin Avni Mula i cili dje u nda nga jeta në moshën 92-vjeçare.
Meta thekson se është pranë Inva Mulës dhe familjes së dashur si dhe komunitetit të artistëve në këto momente të vështira.
“Thellësisht i pikëlluar për ndarjen nga jeta të një prej kolosëve të muzikës dhe artit shqiptar, Avni Mula, personalitet i jashtëzakonshëm, intelektual i spikatur, model i përhershëm qytetarie, figurë e dashur dhe e respektuar nga të gjithë! Humbje e madhe që le pas shumë dhimbje!
Në këto momente të vështira, jam pranë Invës, familjes së dashur Mula dhe komunitetit të artistëve! Ngushëllimet më të ndjera dhe i paharruar kujtimi i Tij! Lamtumirë Mjeshtër! U prehsh në paqen e merituar!”, shkruan Presidenti.
Kompozitori i njohur Avni Mula ndërroi jetë mbrëmjen e së enjtes. Lajmin e bëri të ditur vetë e bija, tenorja e njohur Inva Mula përmes një njoftimi në Instagram.
Pa.Va/Fjala.al
