Ylli i futbollit, Kristiano Ronaldo, është kthyer fuqishëm pas mungesës për disa javë për shkak të infektimit me virusin korona.
Të dielën, ai shënoi dy gola për Juventusin që fitoi 4:1 ndaj Specias, në takimin e vlefshëm për javën e 6-të të Serisë A. Ronaldo u aktivizua në minutën e 56-të, ndërsa menjëherë, vetëm 3 minuta më pas, realizoi golin që e kaloi Juventusin në epërsi, 2-1.
Ai vijoi të shndërronte në gol edhe një 11-metërsh në minutën e 76-të, duke fiksuar rezultatin final 4-1 në favor të kampionëve në fuqi të Italisë.
Alvaro Morata e Adrian Rabioti shënuan golat e tjerë për Juventusin, kur Tomazo Pobega realizoi për Specian. Ndërkohë, Ardian Ismajli luajti prej minutës së 88-të për Specian, në atë që ishte debutimi në Serinë A për mbrojtësin e Kombëtares kuqezi.
Ismajli debutoi në mesjavë me fanellën e Specias, në fitoren 2-0 në Kupë në fushën e Çitadelës. Ndërkaq, Kristiano Ronaldo nuk e ka fshehur lumturinë që është rikthyer në fushë.
Të premten, ai u deklarua i shëruar plotësisht nga virusi “Covid-19” dhe mori dritën e gjelbër për të zbritur në fushë. “Ndihesha mirë në vetizolim, – ka deklaruar ai pas fitores me Specian.”
“Nuk kisha simptoma, por ishte gjithçka në rregull, – ka vijuar portugezi. – Sot, unë u riktheva në fushë dhe jam shumë i lumtur që mund të luajë sërish futboll.
Seria A është një ligë mjaftë sfiduese, Milani është duke bërë një punë të mirë, si ashtu edhe Lacio e Napoli.
Duhet të punojmë shumë, por jemi duke u rritur. Kristiano është rikthyer, kjo është gjëja më e rëndësishme.”
la.mi/Fjala.al
