Nuk ndalen replikat mes kryeministrit Edi Rama dhe kryedemokratit Lulzim Basha. Rama i ka kthyer përgjigje Bashës për akuzat për situatën e COVID-19 dhe inceneratorët.
“Sipas Lulëzimit plehrat duhet të bëhen kapicë në çdo rrugë të Tiranës që njerëzit të mos preken nga Covidi dhe mund të kurohen!
Jo Lulëzim, plehrat nuk kthehen më në Tiranë, as opozita nuk kthehet më në qeveri me lojën jepi votën PD e merr Monikën&IlIrin në tallavanë e bashkimit“, shkruan Rama.
Më herët kreu i Partisë Demokratike, Lulzim Basha ka aukuzar sërish kryeministrin Rama se situata e Covid i ka dalë jashtë kontrollit dhe se sa vjen gjendja përkeqësohet.
“Gjendja po përkeqësohet. Për shkak të Ramës, njerëzit presin me ditë për tu testuar, nuk kanë lekë për ilaçet e dergjen të sëmurë në shtëpi. Shëndeti dhe pamundësitë ekonomike janë shqetësimi i çdo shqiptari sot. Por në vend që të japë para për testimet, ilaçet dhe të pamundurit”, shkruan Basha.
Për kryedemokratin, teksa Rama e ka mendjen nga sulmet politike, shumë njerëz po vdesin për fajin e tij.
“Rama e ka mendjen tek sulmet politike, ndërkohë që vazhdon të paguajë miliona për inceneratorët dhe tenderat korruptivë. Edhe sa njerëz duhet të vdesin për fajin e Ramës???”, tha ai./Bl.Ba/Fjala.al
