Vrasësi shqiptar i Vjenës, Kujtim Fejzullahu, ka jetuar në një ndërtesë në rajonin Donaustadt, i cili ndodhet në pjesën verilindore të Vjenës.
Në orën, 1:30 të mëngjesit të sotëm, policia theu derën dhe u fut brenda në banesë.
Pas sulmit në qendër të Vjenës, bastisje të shumta shtëpish u kryen në afërsi të apartamentit të autorit të sulmit terrorist në qytetin e Vjenës.
Terroristi (20 vjeçar), i cili u ekzekutua nga policia austriake pas sulmit, ka jetuar në një komunitet në mes të qytetit të Danubit.
Në orën 01.30 të mëngjesit, banorët u zgjuan nga një shpërthim – policia kishte përdorur një lëndë shpërthyese për të arritur në banesën e vrasësit, i cili ishte qëlluar rreth katër orë para, pranë Kishës së Shën Rupertit.
“Të gjithë e kemi dëgjuar zhurmën. Ka gjithmonë trazira, por diçka e tillë më ka shtangur”, tha një fqinj i vrasësit gazetës “Heute”.
“Nuk e dija se çfarë po ndodhte. U ngrita dhe eca drejt te dera dhe shikova jashtë. Unë pashë vetëm figura të zeza sepse nuk i kisha syzet”, tha KS.
Ai jetonte poshtë banesës së vrasësit. Vetëm kur ka vendosur syzet, ai atëherë e kuptoi se ishte çështje e njësive të policisë.
Tani ka ende rrënoja të derës së thyer të apartamentit në korridor./Re.D/Fjala.al
