Ministria e Drejtësisë, Etilda Gjonaj ka kryer sot një inspektim blic në burgun e Fushë-Krujës.
Mësohet se në fokus të inspektimit ka qenë personeli i këtij IEPV-je, ku janë parë nga afër zbatimi i masave të sigurisë dhe parandalimin e pandemisë
Po ashtu Gjonaj ka biseduar me disa të burgosur dhe me të gjithë ekipin e sigurisë në IEVP Fushë-Krujë. Ministrja garantoi një linjë të hapur komunikimi me stafin e burgjeve për çdo problematikë.
Ditën e djeshme gjatë një interviste në emisionin “HARD TALK nga Roland Qafoku”, Gjonaj ka folur lidhur me grevat e ndodhura në burgje teksa u shpreh se që të zgjidhet një problem, ai duhet të fillojë nga shkaku, dhe sipas saj shkaku ishte 41 BIS, pasi subjekti i parë që filloi protestën ishte një nga subjektet që ishte vendosur në 41 BIS.
“Duke mbajtur në konsideratë që ne e dinim që në krye të herës që ky ishte një regjim jo i lehtë, por të vendosur dhe duke patur mbështetjen edhe të Kryeministrit e dinim që kishte vështirësitë e saj. Kjo ka qenë fillesa e një refuzim ushqimi do ta quaja fillimisht në institucionin e Peqinit dhe më pas i replikuar në disa isntitucione, më shumë për tu solidarizuar me ata të cilët e filluan në Peqin.
Situatën arritëm ta menaxhonim, padyshim do duhej të kishte një menaxhim më të mirë edhe nga drejtuesit e institucionit të Peqinit në momentin që filloi kjo revoltë. U morën masat sipas përgjegjësisë disiplinore dhe sot ka një kallëzim të referuar në Prokurorinë e Elbasanit për të kuptuar cilët ishin faktorët që kanë ndikuar apo subjektet që kanë ndikuar si nga jashtë, edhe nga brenda institucionit”, tha Gjonaj./Bl.Ba/Fjala.al
