Real Madrid-Inter do të jetë supersfida e mbrëmjes në Champions League.
Të dyja skuadrat shiheshin si favoritet e grupit B, por ndeshjet e para kanë qenë jo pak surprizuese me Realin që humbi ndaj Shakhtar në shtëpi dhe barazoi në Gjermani ndaj Monchengladbach.
Nga ana tjetër, Interi ka marrë dy barazime ndaj këtyre skuadrave përkatësisht 2-2 me Gladbach në shtëpi dhe 0-0 me Shakhtar në Ukrainë. Zikaltrit nuk është se janë në formën e tyre më të mirë dhe këtë gjë e kanë treguar edhe në kampionat ku kanë barazuar me Parmën 2-2 në shtëpi.
Sot pritet një përballje e zjarrtë që do vendosë jo pak për kalimin e njërës nga skuadrave në raundin tjetër. Në kampin zikaltër mungesa e madhe do të jetë Romelu Lukaku, i cili pritet të zëvendësohet nga Alexis Sanchez. Pak orë përpara nisjes së sfidës, gjithçka i ngelet 90 minutave në fushë.
Ndërkohë, këto janë sfidat e tjera të Champions League mbrëmjen e sotme:
Pa.Va/Fjala.al
