Komisioneri për Zgjerimin në KE, Oliver Varhelyi ka zhvilluar një bisedë me kryeministrin Edi Rama ku ka shprehur pritshmëritë që Shqipëria të përparojë në rrugën drejt BE-së.
Në postimin e tij në Twitter, Varhelyi zbardh bisedën me kryeministrin Rama, ku shkruan se kanë biseduar për punën e vazhdueshme brenda kornizave të bisedimeve për integrimin në BE.
‘Një vizitë virtuale me kryeministrin Edi Rama, diskutuam për punën e vazhdueshme të Shqipërisë në plotësimin e kornizave për bisedimet, mbështetjen kundër COVID-19, si dhe përgatitjet për samitin e Sofies javën e ardhshme. Presim që Shqipëria të përparojë në rrugën drejt BE-së’, shkruan Varhelyi.
Varhelyi ishte në Tiranë gjatë muajit tetor ku zhvilloi takime me kryeministrin Rama, kryedemokratin Basha dhe Presidentin Meta.
Pa.Va/Fjala.al
