Autoritetet shëndetësore në Kosovë kanë bërë me dije se 9 persona kanë humbur jetën nga Covid-19 dhe janë regjistruar 546 raste të reja.
Instituti Kombëtar i Shëndetit Publik në Kosovë ka bërë me dije se gjatë 24 orëve të fundit janë kryer 1.626 tamponë nga të cilët kanë rezultuar pozitivë 546 prej tyre.
Sipas të dhënave të këtij Instituti të martën janë regjistruar edhe 107 raste që kanë mposhtur virusin, derisa raste aktive aktualisht janë 5.002.
Që nga fillimi i pandemisë deri më tani në Kosovë janë konfirmuar 21.545 raste me Covid-19, nga të cilët 714 kanë humbur jetën./r.g/Fjala.al
