Guvernatori Tom Wolf u shpreh se në Pensilvani ka ende rreth 3 milion fletë votimi me postë, numërimi i të cilave mund të vonojë duke mos publikuar rezultatet as sot.
Ky shtet është vendimtar për rrugën e secilit kandidat presidencial drejt 270 votave elektorale, për të fituar presidencën e SHBA.
Xhorxhia, Karolina e Veriut, Pensilvania, Miçigan, Uiskonsin, Mejn, Arizona, Nevada dhe Alaska janë shtete ku ende nuk është përcaktuar fituesi. Biden po kryeson lehtë ne Miçingan dhe Uiskonsin, ndërsa Trump në Pensilvani.
Presidenti i SHBA, Donald Trump dhe sfiduesi demokrat Joe Biden janë në një garë të ashpër për të fituar një mandat katër-vjeçar në Shtëpinë e Bardhë. Ende nuk dihet kush është fituesi, edhe pse Biden kryeson lehtë ndaj Trump.
Më herët, ky i fundit u shpreh se ai do t’i drejtohej Gjykatës pasi kundërshtarët, sipas tij po vjedhin votat.
Pa.Va/ Fjala.al
