Kryeministri i Mbretërisë së Bashkuar, Boris Johnson theksoi se ai ka besim në kontrollet dhe ekuilibrat e kushtetutës amerikane, pas pretendimeve për mashtrim në procesin e numërimit nga Donald Trump.
Johnson theksoi se do të bashkëpunonte me këdo që do të dilte fitues i garës, teksa ka këmbëngulur se duhet të pritet me patjetër rezultati përfundimtar i zgjedhjeve, pasi ende shumë vota në vendet vendimtare janë pa u numëruar.
I pyetur nëse do t’i mungonte Trump, i cili ka qenë mbështetës i Johnson, nëse ai do të largohej nga ‘Shtëpia e Bardhë’, Johnson tha:
“Le të jemi të qartë, Kryeministri i Mbretërisë së Bashkuar do të punojë gjithmonë shumë, shumë ngushtë me këdo që është Presidenti i Shteteve të Bashkuara dhe ky do të jetë rasti, pavarësisht rezultatit të këtyre zgjedhjeve.”
Presidenti aktual Donald Trump ka bërë një sërë ankesash në rrjetin social Tëitter duke pretenduar se numërimi i votave po manipulohet.
Pa.Va/Fjala.al
