Karantina, e cila do të hyj në fuqi në Britaninë e madhe për shkak të epidemisë së korona-virusit, do të përfundojë “automatikisht” më 2 dhjetor, deklaroi kryeministri britanik Boris Johnson.
Këngëtarja shqiptare me famë botërore, e cila jeton në Mbretërinë e Bashkuar, duket se nuk është dakord me masat e reja të izolimit.
Ajo ka publikuar në InstaStory një video satirike që e kishte realizuar gjatë karantinës së kaluar, ku shfaqej duke goditur tavanin me kokë ndërsa bënte ushtrimet. Duke ironizuar me faktin që vendi po futet për herë të dytë në izolim, Ora thotë se një gjë e tillë po vazhdon “ta vras”.
“Kjo vazhdon të më vras vërtet, izolimi i dytë, të mos e bëjmë këtë sërish”, shkruan këngëtarja në InstaStory.
Kujtojmë që gjatë karantinës së parë në muajt mars, prill dhe maj, Rita bashkë me miqtë e saj qëndroi e izoluar në një fshat në periferi të Londrës, duke kompozuar këngët e albumit të saj të tretë.
Mirëpo pavarësisht se kanë kaluar muaj nga ajo kohë ajo ende nuk e ka publikuar këngën e saj të re për fansat./Bl.Ba/Fjala.al
