Një 78-vjeçare është gjetur nga efektivë të Drejtorisë Vendore të Policisë Durrës në zonën e Shkozetit.
Bëhet fjalë për Zyra Selimin, e cila përpara uniformave blu ka pohuar se nuk mban mend banesën dhe kërkon ndihmën e tyre.
“Gjatë pasdites, në Shkozet, është gjendur e vetme në rrugë shtetasja Zyra Selimi, 78 vjeçe, e cila është në gjendje të mirë shëndetësore, por nuk mban mend banesën e saj dhe të dhëna të familjarëve. Aktualisht kjo shtetase gjendet në ambientet e DVP Durrës. Familjarët e saj ose çdo person tjetër që ka kontakte me ta mund të telefonojë në 129 ose mund të paraqitet në ambientet e DVP Durrës”, njofton policia.
Ende nuk dihet se kur Zyra Selimi është larguar nga banesa, ndërkohë që policia i bën thirrje familjarëve dhe miqve që të telefonojnë në numrin 129 për t’a rikthyer të moshuarën në gjirin e familjes së saj.
la.mi/fjala.al
