Këngëtari, kantautori dhe producenti i njohur, Ricky Martin, po ashtu është në mesin e të famshmëve që ka bërë një reagim pas fitores së Joe Biden dhe Kamala Harris.
Ai shprehet i lumtur për presidentin e 46-të të ShBA-së, duke thënë se është shumë i nderuar që ka qenë pjesë e fushatës së tij dhe se kanë punuar mjaft shumë për të bërë më të mirën rreth kësaj.
Artisti porto-rikan mes të tjerash uron edhe Kamala Harris, njëherësh gruan e parë zëvendës-presidente në Amerikë.
“Ju uroj më të mirën President i zgjedhur Joe Biden. Faleminderit për integritetin dhe frymën tuaj bashkuese. Si Porto Rikan, jam i nderuar që kam punuar me ju në këtë fushatë të vështirë”.
“Urime Kamala Harris për bërjen e historisë, duke ruajtur hirin”, ka qenë mbishkrimi i postimit të publikuar në Facebook.
Në anën tjetër, Donald Trump ka paralajmëruar betejë ligjore, pasi vazhdimisht pretendon se ka pasur parregullsi në procesin zgjedhor, duke thënë se ka pasur edhe mashtrime./Bl.Ba/Fjala.al
