Ministria e Shëndetësisë bën apel për respektimin e masave për parandalimin e përhapjes së koronavirusit.
Në njoftimin e shpërndarë në faqen e saj zyrtare MSH rekomandon 3 hapat që duhen ndjekur për të këputur zinxhirin e infektimit, përfshirë ruajtjen e distancës, mbajtjen e maskës dhe larjen e shpeshtë të duarve.
“-Duhet të shmangim grumbullimet, të ruajmë distancimin fizik për të parandaluar përhapje e COVID-19.
-Maska mbrojtëse tashmë është një mjet i gjithëpranuar për dobinë e saj.
-Larja e shpeshtë e duarve dhe dezinfektimi tyre ndalojnë infektimin nga SARS-COV2.
Është koha të zbatojmë me përpikmëri këto rregulla, për mbrojtjen e shëndetit”, rekomandon MSH.
Ndërkohë me anë të një fotoje ilustruese rekomandohen sendet personale që duhet të kemi me vete për parandalimin e Covid-19: Maskë, dezinfektant, larës duarsh, shishe personale, kartëpeceta dhe vitaminë C./Bl.Ba/Fjala.al
