Armenia shpërtheu në protesta mëngjesin e kësaj të marte pasi kryeministri Nikoll Pashinyan pranoi humbjen duke nënshkruar një marrëveshje me Azerbajxhanin dhe Rusinë për t’i dhënë fund konfliktit në Karabakun e Epërm.
Protestuesit u mblodhën para një ndërtese qeveritare në kryeqytetin Jerevan, duke thyer dritaret dhe duke brohoritur parulla kundër Pashinyan.
Disa prej tyre hynë në zyrën e tij dhe thërrisnin që të jepte dorëheqjen.
Më herët, Pashinyan një marrëveshje midis Armenisë, Rusisë dhe Azerbajxhanit, duke thënë “Unë mora një vendim shumë të vështirë për mua dhe për të gjithë ne.”
“Unë kam nënshkruar një deklaratë me Rusinë dhe Azerbajxhanin mbi përfundimin e luftës së Karabakut,” tha ai.
Presidenti rus Vladimir Putin njoftoi të martën herët se Azerbajxhani dhe Armenia kanë nënshkruar një marrëveshje për t’i dhënë fund konfliktit në rajonin e Epërm të Karabakut, i njohur gjithashtu si Nago-Karabak.
Marrëdhëniet midis dy ish republikave Sovjetike mbi Karabakun e Epërm kanë mbetur të tensionuara që nga viti 1991, por përplasje të reja shpërthyen më 27 shtator.
Që atëherë, Armenia ka sulmuar vazhdimisht civilët dhe forcat Azerbajxhanase, madje duke shkelur tre marrëveshje humanitare të armëpushimit.
Në total, rreth 20% e territorit të Azerbajxhanit ka qenë nën sundimin e Armenisë për gati tre dekada./r.g/Fjala.al
