Ikona e humorit shqiptar, Koço Devole ndërroi jetë në moshën 75-vjeçare të dielën që lamë pas.
Ai po luftonte prej 18 ditësh me Covid-19, ndërsa gjendja e tij u përkeqësua së fundmi, ndaj Devole u fut në intubim. Pasi tamponi i doli negativ, Devole u shtrua sërish në spital për shkak të rendimit nga leuçemia.
Teksa figura të njohura të politikës, kinematografisë e fushave të tjera shprehën ngushëllimet e sinqerta për familjen e aktorit, miku i tij i ngushtë prej vitesh, Mitro Cela, ka treguar një fragment me humoristin e ndjerë.
Ai ka shkruar për një moment të rëndë në jetën e Koços, kur mësoi se kishte leuçemi dhe as në këtë ditë të vështirë nuk e la pas humorin.
Kohë më parë Koçoja u shtrua në spital. Nga spitali, drekë tek “Tajvani”.
-Filip! Doktorët më fjalë zëmre më thanë: ke leuçemi. Të kanë mbetur tre ose katër vite jetë!
-Koço! Mjekë janë këta?! Nuk e ndajnë dot? Fikse si ta bëjë planin e shpenzimeve?!
-Do ta rregullojmë. Do shkoj në Amerikë…
Iku. Erdhi. Buzëgaz na tha:
-Mjekët amerikanë më dhanë ymër: tre vjet!
-Kjo po! Tani dëgjo Koço,-tha Filipi.- Shpenzimet e varrimit, drekën, transportin, më the të thashë, i ka Fiksi!
-Po të 40-tat?! Mua mi latë?!, tha Devole me humor siç tregon miku i tij Çela
Edhe në një moment të vështirë në jetën e tij, artisti i njohur nuk mund ta linte pa e kaluar me humor.
Pa.Va/Fjala.al
