Mes kryetarit të PD, Lulzim Basha dhe kryeministrit Edi Rama kanë vijuar “dhëmbë për dhëmbë” replikat e ashpra në distancë.
Në twitter, Basha iu përgjigj Ramës se do ta mposhtë atë, ndërsa do të shërojë Shqipërinë dhe do të ndihmojë familjet shqiptare.
“Bashkë do ta mposhtim Ramën, do të shërojmë Shqipërinë, do të ndihmojmë familjet shqiptare dhe ekonominë e do të sjellim shpresë të re për vendin”, shkruan Basha.
Ndërsa më herët kryeministri Rama duke ribotuar videon e kryedemokratit tha se opozita ëndërron katastrofën, asfiksinë dhe vdekjen.
“Kur ju them këta ëndërrojnë katastrofën, asfiksinë, vdekjen e sa më shumë shqiptarëve dhe timen mundësisht, kujtoni se bëj politikë! Jo, them vetëm të vërtetën e hidhur, siç e thotë vetë, kjo video e neveritshme e postuar nga Lulëzim Basha! Çfarë politike e mjerë”, shkruante Rama./Bl.Ba/Fjala.al
