Vrasësi serial britanik, Peter Sutcliffe ka vdekur në moshën 74-vjeçare pasi ishte infektuar me Covid-19. Ministria e drejtësisë në Mbretërinë e Bashkuar ka bërë me dije lajmin se Sutcliffe kishte ndërruar jetë në spitalin ku po kurohej për koronavirusin.
Vrasësi serial ishte i njohur me nofkën, ‘Ripper Yorkshire’. Ai u dënua në vitin 1981 për vrasjen e 13 grave si dhe për tentim vrasje të shtatë grave të tjera gjatë viteve 70’ në Veriun e Anglisë.
Më herët kur ishte infektuar, një burim për median britanike Mirror kishte deklaruar se Sutcliffe i kishte thënë: Peter ka qenë vërtet i shqetësuar për koronavirusin që nga fillimi i vitit dhe ka qenë shumë i kujdesshëm. Ai ka thënë se është vdekjeprurës dhe tmerrues. Por ai gjithashtu ka folur për mënyrën se si ai beson se do të shkojë në parajsë kur të vdesë, kështu që ai nuk është i shqetësuar për këtë.”
Burimi shtoi se Sutcliffe besonte se të gjithë Dëshmitarët e Jehovait u garantohej një vend në parajsë pavarësisht nga e kaluara e tyre.
Ai kishte vuajtur edhe nga sëmundjet shoqëruese para se të dilte pozitiv me COVID-19, por Shërbimi i Burgut nuk mund ta konfirmonte shkakun e vdekjes pasi që “me të drejtë është çështje e mjekut ligjor”./r.g/fjala.al
