Ish-futbollisti i shquar, videomesazh për të gjithë pjesëmarrësit e kursit të dhjetorit. Federata Shqiptare e Futbollit pritet të organizojë në fillim të muajit dhjetor kursin e përgatitësit atletik. Drejtuesi i këtij kursi do të jetë përgatitësi atletik i kombëtares shqiptare të futbollit, Luixhi Febrari.
Sipas organizmit që qeveris futbollin në vend, kjo është një mundësi e shkëlqyer për të gjithë të interesuarit për t’u kualifikuar profesionalisht përmes një kursi që do të ofrojë të gjithë përvojën më të mirë bashkëkohore dhe lektorë me emër.
Këtë nismë të Federatës e ka përshëndetur Përmes një video-mesazhi edhe ish-futbollisti i famshëm i Argjentinës dhe Interit, Havier Zaneti, i cili ka shpjeguar edhe rëndësinë e rolit të përgatitësi atletik për një skuadër futbolli në ditët e sotme.
“Përshëndetje të gjithëve! E vlerësoj shumë faktin se në Shqipëri po organizohet ky kurs, sepse mendoj që përgatitja fizike është një aspekt shumë i rëndësishëm për të gjithë sportistët”, – thotë Zaneti në mesazhin e tij.
Kujtojmë se sipas rregullores së re të miratuar nga FSHF-ja, në çdo skuadër futbolli do të ketë një përgatitës atletik në stafin e një skuadre, por edhe në stolin e saj teknik.
l.m/Fjala.al
