Ambasada gjermane në Tiranë ka mbyllur sportelet e saj për lëshimin e vizave për shkak të situatës së krijuar prej koronavirusit.
Përmes një njoftimi në rrjetin social Facebook, ambasada thekson se të gjithë ata që kanë aplikuar do të marrin një datë tjetër përmes komunikimeve elektronike.
“Informacion i rëndësishëm prej ditës së sotme, 18.11.2020, nisur nga gjendja aktuale Zyra e Vizave dhe e Pasaportave të Ambasadës Gjermane në Tiranë është e mbyllur për arsye parandaluese.
Personat e prekur nga mbyllja e zyrës do të marrin në momentin më të parë të mundshëm një datë/orë të re aplikimi. Ne do të informojmë përmes faqes së internetit apo Faceboouk-ut sapo zyra të rinisë veprimtarinë e saj. Lutemi për mirëkuptimin tuaj”, thuhet në njoftim.
Ndërsa në fund ambasada thekson se në raste urgjente konsullore mund të kontaktoni përmes numrit të shërbimit të gatshëm. “Lutemi për mirëkuptimin tuaj që përmes këtij numri nuk mund të japim informacione rreth datave të aplikimit apo procedurave për vizë”./Bl.Ba/Fjala.al
