Infeksionet me koronavirus të regjistruara në botë kanë tejkaluar shifrën 56 milionë persona. Universiteti “Johns Hopkins” raporton se vdekjet janë pothuajse 1.35 milionë.
Shtetet e Bashkuara të Amerikës mbeten vendi më i prekur në terma absolutë që nga fillimi i pandemisë, me gati 11.5 milionë raste dhe mbi 250,000 vdekje. Pas tij vijnë Brazili dhe India.
Hungaria ka njoftuar se do të zgjasë bllokimin e pjesshëm kundër përhapjes së koronavirusit deri më 8 shkurt.
Bllokimi i pjesshëm në Hungari supozohej të mbaronte në 10 dhjetor. Ndër masat anti-Covid, është dhe ndalimi i orarit ndërmjet orës 20:00 dhe 05:00 të mëngjesit, ndalimi i tubimeve dhe mësimeve në internet për shkollat e mesme dhe universitete.
Ndërkohë kaosi ka përfshirë Zvicrën, ku 876 shtretër të kujdesit intensiv të çertifikuar dhe të njohur nga Shoqëria Zvicerane e Mjekësisë Intensive janë “praktikisht të gjithë të zënë” për shkak të urgjencës së koronavirusit.
Sakaq, Nju Jorku do të mbyllë shkollat duke filluar nga sot, pas rritjes së rasteve me Covid-19. Kjo u njoftua nga Kryetari i Bashkisë, Bill de Blasio.
Për “Big Apple”, i cili përfshin rrethin më të madh të shkollave publike në Shtetet e Bashkuara, kjo është një goditje e madhe si pjesë e rihapjes e vendosur në muajt e kaluar./Bl.Ba/Fjala.al
