Qeveria greke vendos të mbyllë pikën kufitare të Kapshticës. Sipas informacioneve të para, nga nesër nga Kapshtica nuk do lejohet lëvizja.
Shkak për këtë vendim ekstrem është bërë zbulimi i një skandali me tamponët.
Organet greke të sigurisë janë vënë në alarm pas informacioneve të shërbimeve greke të sigurisë, se në zonën e Korçës ekzistojnë laboratorë, të cilët falsifikojnë përgjigjet e testeve negative PCR. Këto të fundit shërbejnë së bashku me formën PFL, për të hyrë në territorin grek.
Dy ditë më parë janë arrestuar në territorin grek dy shtetas shqiptarë me test të falsifikuar, të cilët u thanë autoriteteve greke se testet i kishin marrë në një agjenci udhëtarësh në Korçë, ndërsa me gjasa janë të implikuar edhe policë shqiptare që shërbejnë në këtë pikë kufitare. Të arrestuarit janë Idajet Tocka dhe Ina Veliu./Blo.Ba/Fjala.al
