Një grup banorësh në rrugën ‘Riza Cerova’ në Tiranë, kanë bërë një kërkesë të pazakontë për një prej komshieve të tyre.
Ata kanë vendosur një letër në hyrje të pallatit duke i kërkuar asaj që të tregohet më e përmbajtur, ose në të kundërt të ndërroj orarin e qejfit ose shtëpinë. Përndryshe ata do të merren me ‘kollovarin’.
Kërkesa e tyre është ngjitur në hyrje të pallatit dhe ka përfunduar në faqen e “JOQ ALBANIA”.
“Thirrje komshies që i vlon gjaku në katin e katërt. E dashur komshie, ta kuptojmë dhimbjen por nëse nuk i mban dot rënkimet dhe ulërimat përbrenda, ndërro orarin e qejfit ose shko diku gjetkë me qera. Në të kundërt do të merremi me kollovarin. Këshilli i banorëve të pallatit”, shkruhet në letër./r.g/fjala.al
