Drejtori i Komunikimit në Kryeministri, Endri Fuga ka reaguar pas deklaratave të kryedemokratit Lulzim Basha, i cili kërkon hetim të shifrave të viktimave të Covid-19.
Fuga thekson se Kryeministri Rama nuk është si ish-kryeministri Sali Berisha që pengonte hetimet.
“Lulzim Basha prish gjumin e del në zyrë po avazin e ka njësoj. I trukuar si personazh i serialit “Sopranos” i kërkon KM të pranojë hetim për budallallëkun e “fshehjes së të vdekurve”! KM s’ndalon hetime si Saliu dikur po Lulzimit i ka ngelur ora dhe flet dhe kur s’ka ç’të thotë!”, shkruan Fuga.
Basha dhe Rama kanë shkëmbyer një sërë replikash ditët e fundit sa i përket situatës së Covid-19 në Shqipëri. Basha pretendon se numri i viktimave është dyfish më shumë sesa deklarohet nga ministria ndërsa Kryeministri u përgjigj sot duke i konsideruar këto akuza si antidemokratike dhe çnjerëzore.
Pa.Va/Fjala.al
