Një mrekulli në kohë pandemie mund të konsiderohet rasti i një gruaje në gjendje kome dhe me koronavirus, që solli në jetë dy vajza binjake.
Ngjarja ka ndodhur në një spital të Birmingham, në Britaninë e Madhe.
Perpetual Uke, konsulente e reumatologjisë në qytetin e Birmingham-it, filloi të ndihej keq në fund të muajit mars.
Më pas u shtrua në terapi intensive, me ventilator dhe u fut në gjendje kome të induktuar për ta ndihmuar atë të rikuperohej.
Foshnjat lindën me prerje cezariane, më 10 prill ndërsa ishin 26 javëshe. Sochika Palmer peshonte vetëm 770g (27oz) ndërsa motra e saj, Osinachi Pascal, peshonte 850g (30oz).
Gruaja qëndroi në koma edhe për 16 ditë të tjera.
“Ishte vërtet e tmerrshme … çdo ditë që kaloja shpresoja që gruaja ime të mos ishte në mesin e atyre që kanë vdekur,” tha burri i Dr Uke Matthew.
Nëna e katër fëmijëve tha se zgjimi dy javë pas lindjes “ishte i pabesueshëm” dhe megjithëse stafi i spitalit tha se binjaket ishin të saj, ajo “nuk e besoi” atë.
“Kur më treguan fotografitë, ato ishin aq të vogla, sa nuk dukeshin si qenie njerëzore, nuk mund të besoja se ishin të mitë”, tha ajo.
Binjaket u larguan nga spitali pasi kaluan aty 116 ditë./Bl.Ba/Fjala.al
