Ish-zëvendës kryeministri Bashkim Kopliku ka ndërruar jetë për shkak të Covid-19.
Prej disa ditësh ai ishte i shtruar në Spitalin e Durrësit, por ditët e fundit gjendja e tij u rëndua. Ai ishte nisur për kurim në Itali, por fatkeqësisht ka ndërruar jetë në avion.
I ndjeri Kopliku me profesion inxhinier elektronik, ka një karrierë të pasur në politikën shqiptare ku ka qenë zëvendëskryeministër dhe ministër i Brendshëm i qeverisë së parë të Partisë Demokratike më 1992 dhe dy herë deputetë në parlamentin e Shqipërisë.
Kopliku do të mbahet mend si një zyrtar dinjitoz i shtetit shqiptar, një deputet me identitet të forte politik dhe një kritik i ish-kryeministrit Meksi dhe ish-presidentit Berisha.
Pas vitit 1997, pasi u largua nga Partia Demokratike, ai nuk u përfshi më në politikë, por ishte një qytetar aktiv dhe një zë kritik me vlerë.
Pa.Va/Fjala.al
