Policia e Krujës ka arrestuar në flagrancë një 48-vjeçar, i cili akuzohet për dhunë në familje.
Në pranga u vu shtetasi me iniciale B.R., pasi ka ushtruar dhunë fizike dhe psikologjike ndaj kunatës së tij.
“Specialistët për Hetimin e Krimeve në Komisariatin e Policisë Krujë, në vijim të punës për parandalimin e përshkallëzimit të dhunës në familje, arrestuan në flagrancë shtetasin B. R., 48 vjeç, banues në Fushë Krujë, pasi ka ushtruar dhunë fizike dhe psikologjike ndaj kunatës së tij”, thuhet në njoftimin e policisë.
Materialet i kaluan Prokurorisë së Rrethit Gjyqësor Krujë, për veprime të mëtejshme./Bl.Ba/Fjala.al
