Tërmeti dhe Covid-19/ Denaj: Gjermania partner jetik, 58.2 milionë euro për Shqipërinë

113 563 lexime

124,178FansaPëlqeje

Ministrja e Financave dhe Ekonomisë, Anila Denaj, ditën e sotme, mori pjesë në takimin e rëndësishëm online, në lidhje me negociatat ndërmjet Shqipërisë dhe Gjermanisë për bashkëpunim dhe zhvillim, ku dhe u firmos protokolli për bashkëpunim ekonomik midis dy vendeve.

Fokusi kryesor i këtij diskutimi ndërqeveritar ishte angazhimi i ri prej 58.2 milionë euro që Gjermania merr përsipër të sigurojë për Shqipërinë, në kuadër të bashkëpunimit bilateral.

Nëpërmjet këtyre negociatave ne jemi të lumtur të marrim një konfirmim të fortë se qeveria gjermane mbetet e përkushtuar të vazhdojë të jetë një partner i fortë dhe i besueshëm, si dhe do të vazhdojë mbështetjen ndaj Shqipërisë në rrugën e saj drejt anëtarësimit në BE. Angazhimi i ri prej 58.2 milionë euro që Republika Federale e Gjermanisë merr përsipër të sigurojë për Bashkëpunimin Dypalësh Teknik dhe Financiar, do të jetë jetik në thellimin e procesit të transformimit social dhe institucional shqiptar”, u shpreh Denaj.

Gjatë këtij takimi, Denaj nënvizoi se, 2019 dhe 2020 ishin vite mjaft të vështira dhe sfiduese për Shqipërinë, duke u goditur nga dy situata të forta, tërmeti i nëntorit 2019 dhe pandemia COVID-19.

Ministrja theksoi më tej se, qeveria shqiptare në të dyja rastet, ndërmori veprime të menjëhershme e të suksesshme për menaxhimin e situatës përmes mobilizimit, koordinimit dhe drejtimit të strukturave qendrore dhe lokale.

Bashkimi Evropian dhe vendet anëtare të tij, me Gjermaninë si një prej tyre, përfaqësuan një zë të fortë në ndihmën e ofruar për Shqipërinë“, u shpreh Denaj.

Që nga viti 2018, Gjermania ka mbështetur qeverinë shqiptare me 144 milionë euro. Vetëm në 2 vitet e fundit, rreth 20 qytete në Shqipëri u ndihmuan mbi problemet mjedisore, siç është dhe shpërdorimi i ujit.

Më shumë se 6500 njerëz u punësuan dhe të tjerë u ndihmuan për hapjen e një biznesi. Gjithashtu, më shumë se 2.1 milionë konsumatorë përfituan furnizim me energji elektrike të përmirësuar. Të gjitha këto ndihma vijnë për të mbështetur Shqipërinë në rrugën e saj drejt BE-së”, shtoi Rodriguez, përfaqësuesi i lartë në Ministrinë Federale Gjermane për Bashkëpunim Ekonomik dhe Zhvillim./Bl.Ba/Fjala.al

Të fundit

Me shishe alkooli në dorë dhe totalisht i dehur, gjendja e yllit anglez para Botërorit

Jack Grealish nuk po kalon një periudhë aspak të mirë me Cityn në fushë. Forma e tij mesa duket...

Vota e diasporës/ Balla përshëndet 100 mijë kërkesat nga Greqia

Drejtuesi Politik i Partisë Socialiste për Diasporën, Taulant Balla njoftoi sot se pas Italisë, e kalojnë numrin prej 100 mijë edhe kërkesat në KQZ...

Dëm rreth 2.8 mln € buxhetit të shtetit/ SPAK çon për gjykim kryetarin e Bashkisë Tropojë

Prokuroria e Posaçme Kundër Korrupsionit dhe Krimit të Organizuar (SPAK) ka përfunduar hetimet dhe ka dërguar për gjykim çështjen penale ndaj kryetarit të Bashkisë...

Berisha thirrje shqiptarëve: Shfrytëzoni orët e fundit për tu regjistruar

Kreu i Partisë Demokratike në një deklaratë për mediat u bëri thirrje shqiptarëve që jetojnë jashtë vendit që të shfrytëzojnë orët e fundit për...

Çfarë është rregulli 8-sekondësh i portierit që hyn në fuqi këtë verë?

Nga kjo verë, portierëve do t’u lejohen 8 sekonda nga momenti i kapjes së topit deri te rivënia e tij në lojë. Kjo është...

Lajme të tjera

Web TV