Pasi Miçigan certifikoi zyrtarisht fitoren e demokratit Biden, presidenti Trump duket se ka pranuar humbjen, ose pothuajse.
Përmes një postimi në Twitter ai njoftoi se ka dhënë urdhër që të fillojë protokolli i tranzicionit të presidentit. Në të njëjtën kohë, presidenti këmbëngul se beteja do të vazhdojë dhe se ai do të jetë fituesi.
Administratorja e Shërbimeve të Përgjithshme Emily Murphy dha miratimin për ekipin e Joe Biden 16 ditë pasi ai fitoi presidencën. Ky vendim ka zhbllokuar një shifër prej 7 milionë dollarësh nëpërmjet të cilit do të transferohet pushteti.
Në mesazhin e saj për ekipin e Biden, Murphy mbrojti pozicionin e saj dhe tha se e mori vendimin në mënyrë të pavarur.
Zëdhënësi për tranzicionin, Yohannes Abraham reagoi ndaj lajmit, duke e quajtur vendimin një hap të nevojshëm për të filluar trajtimin e sfidave me të cilat përballet kombi amerikan, duke përfshirë marrjen e pandemisë nën kontroll dhe orientimin e ekonominë drejt rrugës së duhur./Re.D/Fjala.al
