Ministrja e Financave dhe Ekonomisë, Anila Denaj, ka arritur të mposhtë koronavirusin pas një periudhe gati dy javore e karantinuar në shtëpi.
Përmes një njoftimi në Facebook, ministrja e qeverisë “Rama”, ka shpërndarë lajmin e mirë që tamponi i kryer së fundmi ka rezultuar negativ, ndërsa ka dhënë dhe një mesazh për të gjithë qytetarët që të kenë besim tek mjekët e familjes.
“Të dashur miq. Dua të ndaj me ju rezultatin negativ në testimin e fundit ndaj Covid 19.
Ftoj të gjithë të kemi besim të plotë tek mjekët tanë të familjes sepse janë të vetmit që mund të na gjenden pranë në momente të vështira.
Ju falenderoj të gjithëve për mbështetjen që më keni dhënë me mesazhet tuaja inkurajuese.?”, shkruan Denaj./Bl.Ba/Fjala.al
