Belgjika është një nga shtetet europiane që i ka dhënë të drejtë autoriteteve policore në vend që natën e Krishtlindjeve, po qe nevoja, të trokasin derë më derë për të kontrolluar se sa persona janë ulur në tryezën festive, në kuadër të masave paraprake që janë marrë për të parandaluar përhapjen e virusit Covid-19.
Lajmi është njoftuar nga ministri i Brendshëm, Annelies Verlinden përgjatë një interviste me “De Zondag”.
“Policët ndoshta nuk do të kenë mundësi të futen në shtëpi, pasi ligji nuk e lejon një gjë të tillë, por nëse ata do të dyshojnë diku, sigurisht që do t’i bien ziles”, shpjegoi ministri.
Verlinden tha se dëshira jonë e madhe është që t’i lejojmë qytetarët të festojnë të qetë dhe pa i trazuar Krishtlindjet me njerëzit e tyre të dashur.
“Por, s’mund të mos marrim në konsideratë edhe shenjat paralajmëruese të spitaleve tona, edhe pse mendojmë se do të gjejmë një ekuilibër”, tha ai.
Kryeministri i Belgjikës, Alexander De Croo, shpërndau fjalët e ministrit, duke specifikuar se do duhet të presim edhe pak, të paktën deri sa të vijë vaksina.
“Shumica e dozave të vaksinës nuk do të arrijnë deri në mesin e vitit 2021, kështu që ne do të duhet të tregohemi të kujdesshëm dhe vigjilentë për një kohë relativisht të gjatë”, theksoi De Croo. /Re.D/Fjala.al
