Një atmosferë ndryshe ka ndodhur mëngjesin e sotëm në spitalin “Shefqet Ndroqi” ose Covid-2.
Ansambli i Këngëve e Valleve kanë surprizuar mjekët e pacientët, ndërsa kanë mbajtur një koncert para ambienteve të spitalit.
Ky gjest u bë në mbështetje të të sëmurëve që po luftojnë me COVID në spital dhe mjekëve, të cilët prej muajsh tashmë, janë në vijën e parë të luftës me koronavirusin.
Ndërsa Ansambli i këngëve dhurojnë “spektakël”, pacientë, mjekë e infermierë kanë dalë në ballkonet e spitalit, duke shijuar këngët e vallet e mrekullueshme.
Mes muzikës së lartë që sjell padyshim ‘oksigjen’ e shpresë për stafin spitalor por dhe pacientët, këngëtarët kanë performuar në oborrin e këtij spitali./Bl.Ba/Fjala.al
