Liga e Kampioneve, kualifikohen 4 të parat, Sevilja, Çellsi, Barcelona e Juventusi, që tani në 16-she

113 563 lexime

124,178FansaPëlqeje

Luhen takimet e 4-ta, Sevilja, Çellsi, Barcelona e Juventusi, që tani në turin e 16-shes. Veprimtaria më prestigjioze e klubeve të kontinentit, Liga e Kampioneve, ka luajtur të martën në mbrëmje ndeshjet e 4-ta në grupet E, F, G dhe H, duke njohur edhe disa prej skuadrave që e kanë siguruar që tani vendin në fazën tjetër, atë me eliminim të drejtpërdrejtë.

Kështu, dy ekipet e para që kanë siguruar vendin e tyre në turin e 16-shes, edhe pse janë për t’u luajtur edhe dy ndeshje, janë dy ekipet e grupit E, aty ku Sevilja dhe Çellsi kanë korrur fitore identike, 2-1 në fushë të huaj, përkatësisht ndaj Krasnodarit dhe Renës. Dy gola të shënuar në fillimin e minutave shtesë për anglezët dhe në fundin e tyre për spanjollët, u kanë mjaftuar të dyja skuadrave të ngjiten në kuotën e 10 pikëve.

Plot 9 pikë të shkëputura nga dy skuadrat e tjera të grupit, teksa kanë mbetur vetëm 6 pikë në lojë. Kësisoj, të dyja skuadrat do t’i shfrytëzojnë dy ndeshjet e mbetura për të luftuar për vendin e parë në renditje. Një tjetër skuadër që është kualifikuar që tani për në turin e 16-shes, është edhe Barcelona, e cila, ndonëse me një numër titullarësh që i mungonin në Ukrainë, ka fituar thellë, 4-0 në Kiev ndaj Dinamos vendase.

Ajo ka marrë fitoren që e ngjit në kuotën e 12 pikëve, përtej mundësisë matematikore për t’u arritur nga dy skuadrat e gjysmës së poshtme të renditjes. Në turin tjetër është edhe skuadra tjetër e grupit G, Juventusi, që shmangu një rezultat të papritur në shtëpi me Ferencvaroshin, duke fituar vetëm në fund. Ndërkaq, janë ende të hapura betejat në grupet F dhe H, aty ku përkatësisht Borusia e Dortmundit dhe Lacio dhe Mançester Junajtid janë favorite për një vend në turin tjetër.

Lexo edhe :  "Uli Hoeness fut hundët te Bayern, e ka bërë gjithmonë"

l.m/Fjala.al

Të fundit

U dëmtua në stërvitje, zbulohet sa do të mungojë Jashari te Milani

Ardon Jashari do të qëndrojë jashtë fushave për disa muaj. Mesfushori shqiptar, i transferuar për 39 mln euro te Milani...

Gjenden 70 trupa të djegur në mes të shkretëtirës

Autoritetet amerikane kanë nisur një hetim pas zbulimit të të paktën 70 grumbujve me mbetje njerëzore të djegura në një zonë të shkretëtirës pranë...

“Mediat sociale po marrin kontrollin e informacionit”

Agjensia e lajmeve Reuters ka publikuar raportin e lajmeve digjitale për vitin 2025. Raporti i këtij viti publikohet në një kohë pasigurie të thellë...

Kur do largohet nga kombëtarja? Messi jep sinjalet e para…

Lionel Messi, tashmë 38 vjeç, po i afrohet fundit të karrierës së tij si futbollist, dhe së fundmi ka konfirmuar se po mendon realisht...

Zelensky: Trump duhet të përfshihet në bisedimet për garancitë e sigurisë

Bisedimet mbi garancitë e sigurisë së Ukrainës duhet të ngrihen menjëherë midis udhëheqësve , përfshirë Presidentin e SHBA-së Donald Trump , tha Volodymyr...

Lajme të tjera

Web TV