Është infektuar me koronavirus ambasadori i Kosovës në Shqipëri, Nait Hasani.
Lajmin e bën të ditur vetë kryediplomati kosovar, përmes një postimi në rrjetin e tij social Facebook, ku shprehet se ka simptoma të lehta dhe po merr trajtim mjekësor në kushtet e karantinimit.
“Të nderuar miq! Pas testimit për COVID 19, rezultova pozitiv, me simptoma të lehta. Në përputhje me protokollin shëndetësor të IKSHPK- së, kam filluar trajtimin mjekësor në kushtet e karantinimit.
Gjej rastin të ju bëj thirrje të respektoni maksimalisht, këshillat e autoriteteve shëndetësore.
Me respekt, Nait Hasani”, shkruan ambasadori./Bl.Ba/Fjala.al
