Në ditën e pavarësisë, sot me 28 nëntor, shumë urime nga vende të ndryshme të botës kanë ardhur, por ajo që po e bën më të veçantë janë dy ura në Turqi dhe kulla më e lartë në botë Burj Khalifa në Dubai.
Një nga dy urat në Turqi është ajo e Bosforit, që është edhe ura më e rëndësishmja e vendit që lidh Turqinë Europiane me atë aziatike. Ajo është mbuluar me ngjyrat kueqzi dhe do të qëndrojë e tillë deri nesër në mëngjes.
Ndërkohë një situatë e ngjashme është shënuar edhe në Dubai. Kulla Burj Khalifa, e cila është më e larta në botë, 829 metra, është veshur sot kuqezi në nder të festës së pavarësisë./Re.D/Fjala.al
