Një ngjarje e rëndë ka ndodhur këtë mesditë në Tiranë, ku një person i ka dhënë fund jetës me vetëvarje.
Burime nga policia bëjnë me dije se një 25-vjeçar me inicialet A. M., është gjetur i varur nga i vëllai. Ngjarja e rëndë është regjistruar në rrugën “Halit Haxhia” në Babrru.
Ka qenë vëllai i viktimës ai që ka konstatuar të riun të varur, por pavarësisht ndihmës për ta shpëtuar ka qenë tepër vonë pasi 25-vjeçari kishte ndërruar jetë.
Nuk dihen ende shkaqet që e kanë detyruar të riun të ndërmarrë një akt kaq të rëndë për jetën, ndërsa grupi hetimor ndodhet në vendngjarje dhe po punon për zbardhjen e rrethanave të ngjarjes./Bl.Ba/Fjala.al
