Legjionarët, fundjavë pozitive për futbollistët kuqezi, spikatin Broja e Balaj

113 563 lexime

124,178FansaPëlqeje

Shënojnë Broja e Balaj, spikatin edhe Trashi, Rroca, Mavraj dhe portieri Selmani. Gola, pasime për gol, por edhe paraqitje përgjithësisht pozitive. Kjo ka qenë përmbledhja e fundjavës për futbollistët shqiptarë që militojnë nëpër kampionatet e vendeve evropiane.

Natyrisht kanë spikatur dy sulmuesit kuqezi, Armando Broja dhe Bekim Balaj. Me pak fjalë, ka qenë pozitive fundjava që shkoi për futbollistët shqiptarë që militojnë nëpër kampionatet e vendeve evropiane dhe natyrisht kanë spikatur dy sulmuesit kuqezi, Armando Broja dhe Bekim Balaj.

Broja ka realizuar një gol të dielën për Vitesen e Arnhemit në fitoren 2-0 ndaj Fortuna Sitardit, në takimin e vlefshëm për javën e 10-të të elitës së futbollit të Holandës. Broja realizoi golin e dytë në minutën e 83-të, ndërsa luajti si titulla për 86 minuta.

Pas 10 javëve të para, Vitese mban vendin e dytë të renditjes, me 25 pikë, dy më pak se Ajaksi kryesues. Broja ka realizuar deri më tani 5 gola në 10 ndeshje në Eredivisie. Ndërkaq, futbollisti shkodran i Sturm Grazit, Bekim Balaj, i dha fitoren të shtunën ekipit austriak në takimi ndaj Tirolit duke ardhur nga stoli.

Sulmuesi kuqezi shënoi 14 minuta para fundit, për t’i siguruar skuadrës së tij 3 pikët në shtëpi. Ndërkaq, paraqitje mjaft pozitive bëri edhe Eduart Rroca, pasi mesfushori i Istanbulsporit spikati në ndeshjen kundër Giresunsporit, takim që përfundoi me shifrat 1-1. Ish-futbollisti i Kukësit u aktivizua si titullar për 85 minuta.

Edhe Gentian Selmani me pati një fundjavë të mbarë me Menemensporin në kategorinë e dytë të futbollit turk, pasi portieri kuqezi mbrojti të paprekur portën në fitoren 2-0 të arritur në fushën e Umranijesporit.

Ndërkohë, ka ardhur një tjetër paraqitje e mirë dhe për ish-kapitenin e Shqipërisë Mërgim Mavraj. Pas pasimit për gol në fitoren ndaj Regensburgut 3-1, ish-futbollisti i kombëtares realizoi një ndeshje të mirë kundër Nurenbergut në Bundesligën 2 duke fituar me shifrat 3-2.

Lexo edhe :  Bayern shet 5% të aksioneve për blerjen më të shtrenjtë në histori, lojtari refuzon

Dhe, së fundi, pas debutimit të tij javën e kaluar me fanelën e Al-Kadisias, Lorenc Trashi ka bërë një paraqitje të shkëlqyer në kampionatin ne Kuvajtit ku ditën e diel ka dhuruar një pasim për gol. Mbrojtësi gramshiot ka dhënë pasimin e golit të parë, duke krosuar nga goditja e këndit.

Al-Kadisia ka triumfuar sfidën e sotme ndaj Al-Kuvajtit në fushë në shifrat 1-2. Skuadra e Al-Kadisias renditet në vendin e dytë, dy pikë pas Al-Naserit.

l.m/Fjala.al

Të fundit

Sherr mes djemve të xhaxhallarëve, përfundojnë të dy në spital

Një sherr i çastit mes dy djemve xhaxhallarësh ka përfunduar me dhunë fizike në lagjen Sulaj të Cakranit, në...

Këmbimi valutor 26 prill/ Me sa blihen e shiten monedhat e huaja

Në tregun e këmbimit valutor shqiptar të ditës së sotme, një dollar do të blihet me 86.4 lekë dhe do shitet me 87.4 lekë. Ndërkohë...

Reshje shiu dhe ulje temperaturash në gjithë vendin, ja si do të jetë moti sot

Vendi ynë këtë të shtunë pritet të karakterizohet nga një rënie e lehtë e Vlerave Barike, duke sjellë në territorin shqiptar mbizotërimin e vranësirave...

Garë e ethshme në Shkodër, Rama vizitë pas akuzave të Doshit

Epiqendra e veriut të vendit, një bastion i përhershëm i PD-së deri në vitin 2023, është kthyer në arenë përplasjesh edhe brenda “aleatëve të...

Lajme të tjera

Web TV