Të paktën 30 persona, përfshirë anëtarët e forcave afgane të sigurisë, u vranë dhe 27 të tjerë u plagosën në Afganistan në një sulm vetëvrasës me bombë me makinë në provincën Ghazni.
Lajm ky i konfirmuar nga zyrtarët lokalë.
Baz Muhamed Himmat, kreu i spitalit publik në Ghazni tha se 30 trupa dhe 27 të plagosur u transferuan në spital.
Sulmuesi shpërtheu një automjet plot me eksploziv jashtë bazës së forcave të mbrojtjes publike, shkruan ANSA.
Ende asnjë grup nuk ka marrë përgjegjësinë për sulmin, por sulmet talebanë ndaj forcave afgane në Ghazni dhe provinca të tjera janë bërë tashmë rutinë./Re.D/Fjala.al
