Ekzekutohet në një atentat mafioz në Brazil një 47-vjeçar nga shqiptar nga Tirana.
Krimi ka ndodhur ditën e djeshme rreth orës 11:10 të mëngjesit, teksa shqiptari i identifikuar si Ilir Zelka, ishte ulur në restorantin “Zyrih”, midis rrugëve “Alameda Lorena” dhe “Rua Pamplona” në qytetin Jardins të Sao Paulos.
Autoritetet në Brazil bëjnë me dije se shqiptari, i cili kishte prej 20 nëntorit që qëndronte në një hotel të zonës dhe frekuentonte rregullisht të njëjtin restorant, ishte duke ngrënë mëngjes, kur një person i paidentifikuar iu afrua me motor dhe hapi zjarr në drejtim të tij.
Zelka u transportua me urgjencë drejt spitalit, por nuk mundi t’i mbijetonte plagëve.
Autori ishte veshur me një këmishë të kuqe dhe skafandër ngjyrë rozë. Zyrtarët e policisë thanë se ngjarja nuk po hetohet si tentativë grabitje, ndërsa janë kërkuar pamjet filmike të kamerave të sigurisë që ndodhen në atë zonë.
Pas atentatit, autori u largua me shpejtësi nga vendi i ngjarjes, duke braktisur motorin tip “Honda CG 150” që u sekuestrua nga policia.
l.m/Fjala.al
