Mjeku Ilir Alimehmeti është shprehur i shqetësuar në lidhje me rritjen e rasteve të reja të të infektuarve në ditët e fundit.
I ftuar në emisionin “Ilva Now, në “EuroNews”, ai theksoi po ashtu se ka edhe një shtim të rasteve simptomatike.
“Kemi përqindje të lartë të pozitivitetit të testit, pasi është në 35.4% kurse 20 ditë më parë ishte 31%. Gjithashtu kemi dhe shtim të rasteve simptomatike. Duhet shtuar numri i testimeve, pasi kjo është dhe rekomandim i OBSH-së. Një gjurmim i kënaqshëm është poshtë 10% ose 5%, kurse sot që flasim jemi mbi 35%. Sot duhet të ishin bërë 7 mijë teste. Jemi shumë poshtë në këtë drejtim. Shpresoj që me testet shpejta të fillojmë t’i përgjigjemi kësaj nevoje”, tha ai.
Ai nënvizoi se testi i shpejtë mund të sjelli ulje të rasteve, duke theksuar se kjo mund të sjelli një kthesë tejet të madhe.
“Mund të bëjnë një kthesë tejet të madhe. Në Sllovaki ka dhënë të një ulje të kurbës shumë më të fortë se sa lockdown i krejt popullatës, çka do të thotë se është rruga e duhur për të ecur. Sot për sot nuk mund ta blini por në disa shtete mund të blihet dhe në farmaci, pasi i ngjan shumë një testi shtatzënie. Monstra merret nga hunda”, shtoi mjeku.
Pa.Va/Fjala.al
