Arrestohet polici që vrau me armë zjarri Klodjan Rashën në orët e para të mëngjesit të kësaj të marte.
Efektivi i skuadrës “Shqiponja” qëlloi 25 vjeçarin për vdekje. Ai akuzohet për “Vrasje në kushtet e kapërcimit të mbrojtjes së nevojshme”.
Efektivi me inicialet N.H. pretendon se ka qëlluar në drejtim të të riut për faktin se ai e kërcënonte për ta vrarë.
“Isha turni i 3 ne pune. Pas instruktazhit ne komisariat kam nisur patrullimin ne zone për te pare zbatimin e ligjit dhe të masave të vendosura nga Komiteti Teknik. Kam konstatuar në unaze një dalë të ri që sapo na pa u largua me vrap në mënyre të dyshimte.
Kam njoftuar sallën dhe i jam vënë në ndjekje ku herë pas here i kam bëre thirrje të ndalojë. I kërkova ta ndalojë për ta pyetur për arsyen e daljes por ai nuk u bind. Here pas here kthehej dhe m’u duk sikur më kërcënoi me armë dhe veprova”, mësohet të ketë thënë polici.
Mësohet se efektivi, është baba i një fëmije të mitur, ndërsa kishte 3 vite që ishte pjesë e Policisë së Shtetit, ndërsa nuk njihej si person problematik në punë. Tre javët e fundit që ishte bërë pjese e sektorit “Shqiponja”./Bl.Ba/Fjala.al
