Policia Kufitare dhe autoritetet doganore në Rinas, kanë proceduar penalisht një 29-vjeçare, e cila është kapur me 20.000 mijë paund të padeklaruara në kufi.
Sipas uniformave blu, bëhet me dije se ata kanë ndaluar për kontroll në vijën e dytë, shtetasen me iniciale V. D., 29 vjeçe.
Gjatë kontrollit fizik dhe në valixhen e saj janë gjetur dhe sekuestruar në cilësinë e provës materiale 20.000 paund (britanikë), të cilat kjo shtetase nuk i kishte deklaruar para udhëtimit të saj për në Shqipëri.
Në përfundim të veprimeve hetimore, shtetasja V. D. u procedua penalisht për veprën penale “Mosdeklarimi i të hollave dhe sendeve me vlerë në kufi”./Bl.Ba/Fjala.al
