Një lokal në qendër të Shkodrës është përfshirë nga flakët gjatë natës. Sipas informacioneve të para, dyshohet se zjarri ka rënë për shkak të një shkëndije elektrike.
Sipas burimeve, lokali është djegur totalisht dhe flakët kanë prekur edhe pjesën anësore të një pallati.
Lokali ndodhet në qendër të Shkodrës, shumë pranë hyrjes së Teatrit Migjeni. Fatmirësisht nuk ka pasur persona të lënduar, vetëm dëme materiale.
Sipas hetimeve paraprake është vaji i ashensorit shkaku i këtij zjarri. Ky ashensor shërbente vetëm për një lokal që ndodhet në katin e fundit të pallatit dhe jo për banorët, gjë e cila ka bërë që banesat e pallatit të shpëtojnë pa u djegur.
Në vendngjarje kanë mbërritur forcat zjarrfikëse, duke bërë shuarjen e flakëve dhe duke nisur hetimet për zbardhjen e plotë të ngjarjes./Bl.Ba/Fjala.al
