Një 57-vjeçar u arrestua dje nga policia, pasi dyshohet se ka abuzuar seksualisht me një vajzë 10-vjeçare në qytetin e Kuçovës.
Sipas burimeve, në pranga ka rënë shtetasi Ajet Dume. Ngjarja e rëndë e abuzimit seksual me 10-vjeçaren në qytetin e Kuçovës, që tronditi opinionin publik, e ka zanafillën 2 vite më parë.
Në vitin 2018, kur vajza A.D ishte në klasën e tretë dhe vetëm 8-vjeçe, filloi edhe kalvari i gjatë i abuzimit me të.
Vetë vajza, duke treguar ngjarjen rrëfen se, një ditë kur ishte kthyer nga shkolla e gjen 57-vjeçarin Ajet Dume të dehur, ai e merr në dhomën e tij dhe abuzon seksualisht me të.
Pas kësaj, ai kishte thënë se kjo ishte një gjë normale që kryenin të rriturit me fëmijët. Vajza pohon se fillimisht ajo nuk dinte se çfarë ishte veprimi që kishte kryer 57-vjeçari me të, por kur e kishte kuptuar i kishte thënë të mos e prekte më, pasi në të kundërt do t’u tregonte prindërve.
Në këto momente, 57-vjeçari e ka kërcënuar më sëpatë, duke i thënë se po të tregonte do të vriste jo vetëm vajzën për edhe familjen e saj, ndërkohë që abuzimi seksual ka vijuar për 2 vite rresht.
“Mendova t’i tregoja mamit për çdo gjë, ndodhi kjo që ndodhi. Po më kërcënonte, e mbante sëpatën aty. Pastaj erdhi policia dhe e mori e çoi lart. Unë dhe mami kaluam në Berat. Aty u takuam me një psikolog. Më bënë disa pyetje u përgjigja”, – rrëfen e mitura e dhunuar./Bl.Ba/Fjala.al
