Shpallet në kërkim këngëtari Arkimed Lushaj i njohur me ermin Stresi pasi ka marrë pjesë ditën e djeshme në protestën e dhunshme, për vrasjen e 25-vjeçarit Klodjan Rasha nga efektivi.
Në operacionin që vijon, policia ka arrestuar deri tani tre protestues dhe janë disa të tjerë në kërkim, mes tyre dhe Lushaj.
Sipas Policisë personat e mësipërm nuk morën leje për protestën si dhe shkelën rregullat anti-covid.
Reperi shqiptar Arkimed Lushaj, i njohur si Stresi ka qenë personazhi i protestës së djeshme për vrasjen e Klodian Rashës nga efektivi i Policisë së Shtetit. Teksa protestonte bashkë me miqtë e tij, reperi ka dhënë disa prononcime për mediat.
Në një prej intervistave të tij, në momentin kur protestuesit ndodheshin para Ministrisë së Brendshme, Stresi me humor është shprehur se nuk ka frikë nga asgjë, as nga kryeministri Edi Rama.
“Moj motra ime nuk i trembem jo këtij këtu, po as atij të gjatit që duhet me e kap me çadër…,”-u shpreh reperi.
Gjatë protestës së djeshme, ai ishte në mesin e protestuesve duke u shprehur se do të kthehej në një “Azem Hajdari” të dytë, duke iu referuar protestës së studentëve në vitin 1990./Bl.Ba/Fjala.al
